ஏப்ரல் - புதிய நிதியாண்டில் நீங்கள் செய்ய வேண்டியவை

நிதி­யாண்டின் துவக்கம் நிதி திட்­ட­மி­டலை ஆய்வு செய்து, தேவை­யான மாற்­றங்­களை மேற்­கொள்ள சரி­யான தரு­ண­மாக கரு­தப்­ப­டு­கி­றது. இந்த நிதி­யாண்­டிற்­கான நிதி திட்­ட­மி­டலில் கவ­னிக்க வேண்­டிய விஷ­யங்கள்:
வட்டி விகித குறைப்பு, வட்டி விகித கணக்­கீடு முறையில் மாற்றம் என புதிய நிதி­யாண்டு மாற்­றங்­க­ளுடன் பிறந்­தி­ருக்­கி­றது. இதற்கு முன்னர் சிறு­சே­மிப்­பிற்­கான வட்டி விகிதம் குறைக்­கப்­பட்­டுள்­ளது. இந்த மாற்­றங்கள் உங்­களின் சேமிப்பு, முத­லீடு இரண்­டி­லுமே தாக்­கத்தை செலுத்தும் நிலையில் நிதி திட்­ட­மி­டலை ஆய்வு செய்­வ­தற்­கான சரி­யான தரு­ண­மாக இது அமை­கி­றது. வட்டி குறைப்பு கட­னுக்­கான வட்டி விகி­தத்தை குறைக்க வாய்ப்­புள்ள சூழலில் சேமிப்பு மற்றும் டிபாசிட் மீதான வட்­டியும் குறைய வாய்ப்­புள்­ளது. இந்த பின்­ன­ணியில் ஒருவர் தனது நிதி இலக்­கு­க­ளுக்கு ஏற்ப மாற்­றங்கள் செய்­வ­தோடு புதிய இலக்­குகள் இருந்தால் அதற்­கேற்ப திட்­ட­மிட வேண்டும்.
வரி திட்­ட­மிடல்வரி திட்­ட­மிடல் காலம் இப்­போது தான் முடிந்த நிலையில் அதற்குள் மீண்டும் வரி திட்­ட­மி­டலா என பலரும் நினைக்­கலாம். ஆனால், வரி திட்­ட­மி­டலை நிதி­யாண்டின் கடைசி பகு­திக்கு கொண்டு செல்­வதை விட துவக்­கத்­தி­லேயே திட்­ட­மி­டு­வது ஏற்­ற­தாக இருக்கும் என்று நிதி ஆலோ­ச­கர்கள் அறி­வு­றுத்­து­கின்­றனர். வரு­மான வரி விலக்­கிற்­கான 80வது சி பிரிவின் கீழ் முத­லீ­டு­களை எப்­படி பயன்­ப­டுத்­திக்­கொள்­வது என்று திட்­ட­மிட வேண்டும்.துவக்­கத்­தி­லேயே இவற்றை செய்­வதன் மூலம், கடைசி நேரத்தில் அல்­லா­டு­வதை தவிர்ப்­ப­தோடு, முத­லீட்­டிற்­கான பலனை ஆண்டு முழு­வதும் பெறு­வதும் சாத்­தி­ய­மாகும் என்று நிதி ஆலோ­ச­கர்கள் கூறு­கின்­றனர். மேலும் கடைசி நேரத்தில் வரிச்­ச­லு­கைக்­காக தவ­றான முத­லீட்டை மேற்­கொ­ள்­வ­தையும் இதன் மூலம் தவிர்க்­கலாம். அதே போலவே வரி தொடர்­பான ஆவ­ணங்­க­ளையும் சேக­ரித்து வைப்­பது நல்­லது. வீட்­டுக்­கடன் வட்­டிக்­கான சான்­றிதழ் உள்­ளிட்­ட­வற்றை பெற்று வைக்­கலாம்.
முத­லீட்டில் மாற்றம்நிதி முத­லீ­டுகள் பர­வ­லாக இருப்­பது மிகவும் அவ­சியம். ஆனால், பல முத­லீட்­டா­ளர்கள் குறிப்­பிட்ட ஒரு நிதி சாத­னத்தில் பெரும்­பா­லான தொகையை முத­லீடு செய்யும் பழக்கம் கொண்­டுள்­ளனர். எனவே, முத­லீட்டை ஆய்வு செய்து தேவைக்­கேற்ப அவற்றை பர­வ­லாக்க நட­வ­டிக்கை எடுக்க வேண்டும். அதே போல வாய்ப்­பி­ருந்தால் முத­லீட்டை அதி­க­மாக்க முயற்­சிக்க வேண்டும். அதிலும் குறிப்­பாக ஊதிய உயர்வு எதிர்­நோக்கி இருப்­ப­வர்கள் அதி­க­ரிக்கும் சம்­ப­ளத்­திற்கு ஏற்ப சேமிப்பு மற்றும் முத­லீட்டை அதி­க­மாக்­கு­வ­திலும் கவனம் செலுத்த வேண்டும்.
பத்­தி­ரங்கள்அண்மையில் சிறு சேமிப்­பிற்­கான வட்டி விகிதம் குறைக்­கப்­பட்­டது மற்றும் இவற்றின் வட்டி விகிதம் காலாண்­டுக்கு ஒரு முறை மாற்றி அமைக்­கப்­பட உள்­ளது ஆகி­யவை சிறு­சே­மிப்பு திட்­டங்­களை நாடும் முத­லீட்­டா­ளர்­களை கவ­லையில் ஆழ்த்­தி­யுள்­ளது. ஆனால், கடன் பத்­தி­ரங்கள் மற்றும் பிபிஎப் திட்டம் ஆகி­ய­வற்றில் முத­லீடு செய்­ப­வர்­களை அதை தொடர வேண்டும் என்று நிதி ஆலோ­ச­கர்கள் கரு­து­கின்­றனர். இவை வரி விலக்­குடன் பலன் அளிப்­பதே இதற்கு காரணம் என்­கின்­றனர். தேசிய பென்சன் திட்­டத்தில் ரு.50,000 முத­லீடு செய்­வதும் ஏற்­ற­தாக இருக்கும். வாய்ப்­புள்­ள­வர்கள் வரி இல்லா பத்­தி­ரங்­களில் முத­லீடு செய்­வ­தையும் பரி­சீ­லிக்­கலாம். ரிஸ்க் எடுக்க தயா­ராக உள்­ள­வர்கள் பரஸ்­பர நிதி திட்­டங்கள் மற்றும் நிறு­வன டிபாசிட் திட்­டங்­களை பரி­சீ­லிக்­கலாம். கடந்த மூன்று மாதங்­களில் தங்­கத்தின் விலை ஏறு­மு­கத்தில் இருப்­பது பலரை வியப்பில் ஆழ்த்­தி­யுள்­ளது. பர­வ­லாக்கில் கவனம் செலுத்­து­ப­வர்கள் அரசின் தங்க பத்­திரம் மூலம் முத­லீடு செய்­வ­தையும் பரி­சீ­லிக்­கலாம்.
காப்­பீடுநிதி திட்­ட­மி­டலில் எப்­போதும் காப்­பீட்­டிற்கு முக்­கிய பங்கு அளிக்க வேண்டும். காப்­பீடு பாது­காப்பு போது­மா­ன­தாக இருக்­கி­றதா என பரி­சீ­லிக்க வேண்டும். ஆயுள் காப்­பீடு தவிர மருத்­துவ காப்­பீட்டில் மேம்­பாடு தேவையா என்றும் ஆய்வு செய்ய வேண்டும். அதே போல வீட்டு காப்­பீடு பற்­றியும் ஆய்வு செய்ய வேண்டும்.வள­மான பாது­காப்­பான வாழ்க்­கைக்கு நிதி திட்­ட­மிடல் மிகவும் அவ­சியம். நிதி­யாண்டின் துவக்­கத்தில் இதை மேற்­கொள்­வது பொருத்­த­மா­கவும் இருக்கும். தேவை­யான மாற்­றங்­களை செய்­யவும் இது கைகொ­டுக்கும்.