சென்னை உயர் நீதிமன்றம், உயர் நீதிமன்ற மதுரை கிளைக்கு 2016-ஆம் ஆண்டு 60 நாள்கள் விடுமுறை நாள்களாக அறிவிக்கப்பட்டுள்ளன.சனி, ஞாயிற்றுக் கிழமைகளில் வரும் அரசு விடுமுறை தினங்கள், இந்தப் பட்டியலில் இடம்பெறவில்லை என்பது
குறிப்பிடத்தக்கது.இது குறித்து சென்னை உயர் நீதிமன்ற தலைமைப் பதிவாளர் பொன்.கலையரசன் திங்கள்கிழமை வெளியிட்ட அறிவிப்பு:
சென்னை உயர் நீதிமன்றம், உயர் நீதிமன்ற மதுரைகிளைக்கான கோடை கால விடுமுறை மே மாதம் 1-ஆம் தேதி முதல் 31-ஆம் தேதி வரையும், தசரா விடுமுறை அக்டோபர் மாதம் 8-ஆம் தேதி முதல் 16-ஆம் தேதி வரையும் அறிவிக்கப்பட்டுள்ளன.கிறிஸ்துமஸ் விடுமுறை டிசம்பர் 24-ஆம் தேதி முதல் 31-ஆம் தேதி வரை விடப்படுகின்றன. அனைத்து சனி, ஞாயிற்றுக்கிழமைகளும் விடுமுறை நாள்கள்தான். இந்த தினங்களில் வரும், உழவர் திருநாள், தீபாவளி போன்ற அரசு விடுமுறைகள் இந்தப் பட்டியலில் இடம்பெறவில்லை என அதில் தெரிவிக்கப்பட்டுள்ளது.
No comments:
Post a Comment