ரூ. 7 லட்சம் கிடைக்கும்.. தேவைப்பட்டால் கடன் கூட வாங்கலாம்.. உங்களுக்கான அசத்தல் ஸ்கீம்!

தபால் நிலையத்தில் சிறு சேமிப்பு திட்டங்கள் ஏகப்பட்டது உள்ளன. அவற்றில் ஒரு சிறந்த சேமிப்பு திட்டம் பற்றி தான் இங்கு பார்க்க போகிறீர்கள்.

பணத்தை சம்பாதித்தால் மட்டும் போதாது. அதை சரியான முறையில் சேமிப்பது அவசியமான ஒன்று. அந்த ரகசியம் மட்டும் தெரிந்து விட்டால் போதும் நீங்கள் தான் அடுத்த லட்சாதிபதி. பொய் என்று நினைக்க வேண்டாம். நிஜம் தான். சரியான சேமிப்பு திட்டத்தை மட்டும் கண்டறிந்துவிடுங்கள். வாழ்நாள் முழுவதும் உட்கார்ந்து சாப்பிடலாம்.

முதலீடுகள் எப்போதுமே பாதுகாப்பானதாகவும் இருக்க வேண்டும் வருவாயை பார்த்து விட்டு பாதுகாப்பில் கோட்டை விட்டு விடாதீர்கள். இரண்டும் இருக்கும் ஒரு திட்டத்தை பற்றி தான் இங்கே உங்களுக்கு விளக்கி உள்ளோம். தெரிந்து கொள்ளுங்கள். போஸ்ட் ஆபீஸில் இருக்கும் ரெக்கரிங் டெபாசிட் திட்டம் பற்றி தெரியுமா? மிகக் குறைந்த முதலீட்டில் தொடங்கும் இந்த திட்டம் பெரிய அளவிலான லாபத்தைத் தரும்.

குறைந்தது மாதத்திற்கு ரூ.100 முதல் முதலீடு செய்யலாம். இதில் அதிகபட்ச தொகைக்கு வரம்பு எதுவும் இல்லை கால வரம்பு 5 ஆண்டுகள். இந்த ரெக்கரிங் டெபாசிட் சேமிப்புத் திட்டத்தில் 5.8 சதவீத வட்டி வழங்கப்படுகிறது

கவனத்தில் கொள்ளுங்கள்:

ரெக்கரிங் டெபாசிட் தொடர்ந்து சரியாக டெபாசிட் செய்யாவிட்டால் அதற்கு அபராதம் செலுத்த வேண்டும் அதேபோல, தொடர்ச்சியாக நான்கு மாதங்களுக்கு நீங்கள் டெபாசிட் செய்யாமல் இருந்தால் உங்களது சேமிப்புக் கணக்கு மூடப்பட்டுவிடும். பின்பு இரண்டு மாதங்கள் கழித்தே அதை ஆக்டிவேட் செய்ய முடியும்.

நீங்கள் ஒவ்வொரு மாதமும் 10,000 ரூபாய் தொடர்ச்சியாக முதலீடு செய்தால் அதற்கு 5.8 சதவிகித வட்டி கிடைக்கும். ஒவ்வொரு மாதத்தின் ரூ. 10,000 முதலீடு அடிப்படையில் உங்கள் பணம் முதிர்வு காலத்தில் ரூ.6,96,967 ஆக அதிகரிக்கும். 5 ஆண்டுகளில் மொத்த வைப்புத்தொகை ரூ.6 லட்சமாகவும், வட்டித் தொகை ரூ.99,967 ஆகவும் இருக்கும். இதனால், முதிர்வு தொகை சுமார் ரூ.7 லட்சம் கிடைக்கும். இடையில் உங்களுக்கு அவசரத் தேவை என்றால் இந்த சேமிப்பு திட்டத்தின் மீது கடன் கூட பெறலாம்.